Orkuveitan telur sig nú hafa fundið nýtt og afar vænlegt jarðhitasvæði á Meitlum á Hellisheiði sem gæti skipt verulegu máli fyrir orkuöflun á höfuðborgarsvæðinu. Tvær borholur hafa gefið mjög lofandi niðurstöður og hitinn á svæðinu mælist um 275 gráður. Enn á þó eftir að staðfesta fundinn með frekari rannsóknum, meðal annars þriðju borholu, áður en hægt verður að fullyrða um hversu stór auðlindin er og hvernig best verði staðið að nýtingu hennar.
