„Við sjáum jökulís frá Sólheimajökli. Við förum á jökulinn, skoðum þennan jökulís í gegnum smásjá og svo er hann bara að bráðna í lófanum á okkur. Þetta er pínulítið brot,“ segir listakonan Íris María Leifsdóttir. Hún hefur nýtt veðrið sem drifkraft í sinni list og allt tengist þetta hringrás vatns. Undir verkinu er sungið gamalt íslenskt þjóðlag, Lóuvísur, og saman myndar þetta dáleiðandi upplifun.Hópurinn Sermit | Jöklar er nú kominn í samstarf við vísindamenn í Icelink sem rannsaka jökla á Íslandi í þeim tilgangi að sjá hvernig jöklar á Grænlandi eiga eftir að hegða sér.„Þetta er eitthvað sem við ættum að vera að tala um. Þetta er það sem er að gerast í okkar samtíma, jöklarnir eru að bráðna, þetta eru hörfandi jöklar,“ segir Íris María.
