„Það sem hefur mótað mig mest er að hafa alist upp að stórum hluta hjá ömmu minni og afa. Þar fékk ég að upplifa mikla hlýju og öryggi sem hafði djúp áhrif á mig. Þau kenndu mér gildi eins og virðingu og þakklæti. Ég lærði líka að vera þolinmóð, hjálpsöm og standa á eigin fótum. Þessi tími mótaði ekki bara hvernig ég sé heiminn heldur líka hver ég er sem manneskja í dag,“ segir Soffía Ellín Stella Gísladóttir sem keppir í Ungfrú Ísland 2026.
