Þrír hafa verið úrskurðaðir í vikulangt gæsluvarðhald í tengslum við rannsókn lögreglunnar á höfuðborgarsvæðinu í umfangsmiklu fíkniefnamáli. Samkvæmt heimildum fréttastofu Sýnar eru tveir af þeim þremur sem sæta gæsluvarðhaldi starfsmenn Eimskips.Harpa Hödd Sigurðardóttir, framkvæmdastjóri mannauðs- og samskiptasviðs Eimskips, segir að málið sé á borði lögreglu en að hún vilji ekki tjá sig um það að öðru leyti. Harpa staðfestir þó að lögreglan hafi verið í Sundahöfn í gær.Alls voru sex handteknir í aðgerðum lögreglu í gær en þremur þeirra hefur verið sleppt úr haldi. Samkvæmt heimildum fréttastofu RÚV eru mennirnir grunaðir um að smygla fíkniefnum til landsins með Dettifossi.
