Eldisfiskur slapp úr landeldisstöð Matorku að Húsatóftum við Grindavík. Rist á útfalli eldiskers gaf sig vegna tæringar og því komst fiskurinn með útfalli úr kerinu og í sjó.Matorka telur að um 500 fiskar hafi sloppið og að þeir séu um 600 grömm að þyngd að meðaltali. Fiskarnir eru aldir í kerjum í landi. Stjórnendur fyrirtækisins telja ekki miklar líkur á að bleikjan geti lifað í fullsöltum sjó.Í tilkynningu á vef Matvælastofnunar kemur fram að Matorka hafi tilkynnt strok á bleikju á laugardagsmorgunn. Þar segir að fyrirtækið hafi þegar virkjað viðbragðsáætlun vegna stroks. Ástand annarra kerja var skoðað.
