Forseti Indónesíu, Prabowo Subianto, fundar með Vladimir Pútín forseta Rússlands í Rússlandi í dag til að ræða viðskipti með olíu. Samkvæmt utanríkisráðherra Indónesíu, Sugiono, munu þeir ræða stöðuna í alþjóðamálum og orkumálum.Indónesía er stærsta hagkerfi Suðaustur-Asíu og eldsneyti er mikið niðurgreitt. Þrátt fyrir að olía sé framleidd í landinu, þá dugar sú framleiðsla ekki og því er meirihluti olíu innfluttur. Stjórnvöld gripu til aðgerða í síðasta mánuði vegna eldsneytisskorts. Eldsneyti var skammtað og opinberum starfsmönnum var gert að vinna einn dag í viku heima hjá sér. Stjórnvöld hafa heitið því að hækka ekki verð á eldsneyti í nánustu framtíð.
