Ísrael og Líbanon hittast á fundi í Washington í næstu viku til að ræða vopnahlé í stríði Ísraels og Hezbollah og hugsanlegt upphaf samningaviðræðna milli nágrannaríkjanna. Þetta tilkynnti embætti forseta Líbanon í dag.Í yfirlýsingu forsetaembættisins segir að fyrsta símtal þess efnis hafi átt sér stað í kvöld milli sendiherra Líbanons og sendiherra Ísraels í Washington og sendiherra Bandaríkjanna í Líbanon, sem var staddur í Bandaríkjunum.„Í símtalinu var samþykkt að halda fyrsta fundinn næstkomandi þriðjudag í utanríkisráðuneytinu til að ræða yfirlýsingu um vopnahlé og upphafsdagsetningu samningaviðræðna milli Líbanons og Ísraels undir verndarvæng Bandaríkjanna,“ segir í yfirlýsingunni.
