„Ég er svo hræddur um að móðga einhverja myndlistarmenn með því að vera hérna í þessu innslagi,“ segir einn af vinsælustu tónlistarmönnum landsins, Friðrik Dór, sem er farinn að prófa sig áfram með pensilinn og sýndi á sér nýja hlið í Miðstöðinni.Hann segist hafa byrjað að dunda sér við myndlistina í covid-faraldrinum. „Ég er alls ekki farinn að skilgreina mig sem myndlistarmann.“Það eru margir farnir að gera svokölluð textaverk og ein af hugmyndum Friðriks er að finna nýjan vinkil á þau. „Það væri draumurinn núna að reyna að tvinna þetta sama,“ segir hann um textaverkin og málverkin.Sjón er sögu ríkari. Þú getur horft á skemmtilegt viðtal við Friðrik í spilaranum hér fyrir ofan og séð nýtt verk eftir hann.Miðstöðin er í sjónvarpinu á fimmtudagskvöldum.
