Framkvæmdastjóri á Landspítalanum segir ríka aðhaldskröfu stjórnvalda á spítalann hafa valdið því að fækka þurfi stöðugildum. Ákveðið hafi verið að segja frekar upp fólki sem var í minni stöðugildum og því hafi staða Ragnars Freys Ingvarssonar læknis verið lögð niður. Ragnari verði hins vegar boðið hærra starfshlutfall. Ragnar Freyr er undrandi á uppsögninni og sakar framkvæmdastjórann um ósannindi.
