Gunnsteinn Ólafsson, tónlistarmaður, kórstjóri, hljómsveitarstjóri og tónskáld, nam tónsmíðar við Franz Liszt-akademíuna í Búdapest. Hann heimsækir Ungverjaland og dvelur þar árlega, talar tungumálið og á fjölda vina og kunningja í landinu. Hann fræddi hlustendur Heimsgluggans um ungversk stjórnmál. KANNANIR BENDA TIL SIGURS STJÓRNARANDSTÖÐUNNAR Flestar kannanir benda til þess að stjórnarandstöðuflokkurinn Tisza fái umtalsvert fleiri atkvæði en stjórnarflokkurinn Fidesz. Kosningabaráttan hefur verið hörð og Viktor Orbán forsætisráðherra hefur útmálað Evrópusambandið og Úkraínu sem helstu óvini Ungverjalands og kjósendur verði að velja Fidesz-flokkinn til að verja landið gegn þessum fjendum. Árangur þessarar hræðsluherferðar virðist takmarkaður ef marka má nýja könnun sem Reuters-fréttas
