Í dag tilkynntu aðstandendur Iceland Airwaves fyrstu flytjendurna sem gleðja tónleikagesti á hátíðinni 5.-7. nóvember í miðbæ Reykjavíkur. Ár hvert iðar borgin af lífi og tónlist í hverjum krók og kima þar sem upprennandi íslenskir listamenn og alþjóðlegar stórstjörnur koma fram og leika listir sínar. Hátíðina sækja tónlistarunnendur sem fara um tónleikastaði í leit að næstu stjörnum íslensks tónlistarlífs eða til að horfa á sitt uppáhaldsatriði.Á hátíðinni verða sérstakir viðburðir og má þar nefna að Daði Freyr heldur tónleika með Sinfóníuhljómsveit Íslands í Eldborgarsal Hörpu 5. nóvember og breska tónlistarkonan Shygirl kemur fram í Silfurbergi 4. nóvember. Þá kemur stórsveitin The Streets til landsins og heldur tónleika í Eldborgarsal Hörpu 8. nóvember og flytur verkið A Grand Don’t Co
