Rekstrartekjur í menningu og skapandi greinum námu 179 milljörðum króna 2024, samkvæmt útreikningum Hagstofunnar sem voru birtir í dag. Það er tíu milljörðum meira en árið á undan. Þegar tekið er tillit til verðbólgu jukust tekjur þó aðeins um 0,1 prósent.Kvikmyndir og sjónvarp trónuðu á toppi tekjulistans með 49,2 milljarða. Næst kom hönnun og arkitektúr með 24,5 milljarða og fjölmiðlar með 21,4 milljarða.Tónlist skilaði 16,1 milljarði í rekstrartekjur og tölvuleikir 15,8 milljörðum.Gestir í kvikmyndahúsi.Bíó Paradís / Sunna Ben
