Samtök hernaðarandstæðinga hafa boðað til mótmæla við bandaríska sendiráðið á morgun, miðvikudaginn 8. apríl, klukkan 17:00. Í tilkynningu samtakanna segir að ræðumenn verði tilkynntir síðar. „Eftir linnulausar árásir Bandaríkjanna og Ísraels á Íran síðustu vikur hefur Donald Trump forseti Bandaríkjanna nú hótað að tortíma írönsku þjóðinni í heild sinni. Heimurinn hefur ekki verið á hættulegri stað áratugum saman.“Í tilkynningunni segir að stríðið viðkomi öllu samfélaginu, því sé verið að mótmæla „aðgerðum og hugleysi íslenskra stjórnvalda og vestrænna þjóða gagnvart Bandaríkjunum og Ísrael.“
