Sex daga verkfall breskra unglækna hófst snemma í morgun. Þetta er í 15. sinn sem unglæknar fara í verkfall í langvarandi kjaradeilu við breska ríkið. Viðræður runnu í sandinn í mars. Búist er við því að þjónusta skerðist töluvert.Áhersla verður lögð á að tryggja bráðaþjónustu og því er búist við því að fresta þurfi fjölda skurðaðgerða og læknatíma. Heilbrigðisráðherra Bretlands, Wes Stretting, sagði breska ríkisútvarpinu í morgun að raskanir hingað til væru minni háttar. RÍKIÐ SEGIR KOSTNAÐ NEMA MILLJÖRÐUM Bresk stjórnvöld segja að kostnaður ríkisins vegna verkfalla lækna sé um 50 milljónir punda á dag. Það jafngildir um 3 milljörðum punda síðan deilan hófst í mars 2023, jafnvirði nærri 500 milljarða íslenskra króna.Stretting segir að unglæknar séu sigurvegarar á opinberum markaði hvað
