Mikill viðbúnaður var á Akureyrarflugvelli síðdegis eftir að áhöfn einkaflugvélar tilkynnti um vélarbilun skömmu eftir flugtak. Ekki er ljóst hvers konar bilun varð né hvort veðrið hafi spilað inn í.Vélinni var lent aftur án vandkvæða eftir að hafa hringsólað skammt frá Akureyri. Förinni var heitið til Manchester.Neyðarstigi var lýst yfir og samhæfingarstöð almannavarna var virkjuð. Sjúkrabílar, slökkviliðsbíll og lögreglubíll fóru á vettvang.Skömmu eftir flugtak kom tilkynning vegna gruns um bilun í öðrum mótornum. Samkvæmt verklagi er neyðarstig virkjað um leið og slík tilkynning berst.„Um leið og tilkynnt er um eitthvað svona þá er lýst yfir hættustigi og öllum gert viðvart,“ segir Guðjón Helgason upplýsingafulltrúi Isavia. „Allt fór vel. Það þurfti ekki að gera annað en að atvikið verð
