Gamla fréttin: Íslendingar bestu sjómenn í heimi

„Íslendingar eru bestu sjómenn í heimi. Ég er ekki í nokkrum vafa um það. Næst á eftir þeim koma Færeyingar en ég hef ekki mikið álit á norskum sjómönnum. Það var ómögulegt að vinna með þeim. Ég var á norskum togurum og Norðmennirnir gátu ekki farið undir pokann til að losa úr honum. Þeir voru hræddir við að blotna. Það var eitthvað annað en harkan í íslensku sjómönnunum. Hún var oft meiri en góðu hófi gegndi. Þannig hljómaði inngangur að viðtali í Fiskifréttum 30. maí 1997.