Tveir karlmenn voru líflátnir í Íran í morgun eftir að hafa verið dæmdir sekir um aðild að MEK, ólöglegri andófshreyfingu, og fyrir margs konar hryðjuverkaaðgerðir sem miðuðu að því að steypa klerkastjórninni.Frá þessu er greint á vef Mizan, fréttastofu íranska dómskerfisins. Fjórir dæmdir liðsmenn MEK voru teknir af lífi fyrr í vikunni. Hreyfingin studdi klerkabyltinguna árið 1979 en leiðtogar hennar hafa verið í útlegð frá því skarst í odda á níunda áratugnum.Írönsk stjórnvöld skilgreina MEK sem hryðjuverkasamtök. Mannréttindasamtök segja Íran koma næst Kína í fjölda líflátsdóma og framkvæmd þeirra.Frá því að Bandaríkin og Ísrael hófu stríðsrekstur gegn Íran hefur fjöldi fólks verið líflátinn, þar á meðal maður sem var sakfelldur fyrir samstarf við ríkin tvö meðan á fjölmennum mótmælum s
