„Við erum að öllum líkindum að loka,“ segir Árni Már Þórdísar Viðarsson, annar eigenda Gallery Ports. Port fagnaði 10 ára afmæli í síðustu viku með nýjum listaverkum en einnig tilkynningu um breytta tíma.„Þetta er búinn að vera rússíbani, ég felldi tár um daginn,“ segir Árni en þeir Skarphéðinn Bergþóruson stofnuðu Port í litlu bakhúsi við Laugaveginn árið 2016 og hafa síðan þá fest sig rækilega í sessi sem eitt framsæknasta rými borgarinnar. Nú ætla þeir að hætta en vonast til að Portið lifi áfram með nýju fólki.Víðsjá hitti Árna Má og ræddi breytta tíma, leiðinlega myndlistarmarkaði, Omaggio-vasa, túrista í miðbænum og þörfina fyrir „lókal“ hverfamenningu. „Ferðamaðurinn elskar að hafa júník stöff, grasrót, pönk og vesen. Þeir nenna ekki að kaupa enn eitt prentið af norðurljósum eða bol
