Sérstök athöfn verður haldin um miðjan apríl til að jarðsetja líkamsleifar þeirra norðurkóresku hermanna sem fallið hafa í bardögum við Úkraínuher. KCNA, ríkisfréttamiðill Norður-Kóreu, segir jafnframt að safn til minningar um hermennina sé nánast tilbúið.Leiðtoginn Kim Jong Un hefur lýst mikilli ánægju með þá safngripi og táknrænu minningamörk sem þar verða til sýnis. Minningarathöfnin verður haldin þegar rétt ár verður liðið frá frelsun Kúrsk-héraðs í Rússlandi, eins og KCNA orðar það.Norðurkóresk stjórnvöld hafa sent þúsundir hermanna til stuðnings Rússlandsher og minnst tvö þúsund eru taldir hafa týnt lífi. Greinendur segja Rússa á móti útvega fjárhagsstuðning, hernaðartækni, matvæli og olíu sem auðveldar Norður-Kóreu að sneiða hjá alþjóðlegum viðskiptaþvingunum.Ár er síðan Norður-Kóre
