Hér fer fram bein textalýsing frá leik Breiðabliks og FH í Meistarakeppni kvenna í fótbolta. Um árlegan viðburð er að ræða þar sem að ríkjandi Íslands- og bikarmeistarar mætast í leiknum sem útkljáir hverjir séu meistarar meistaranna. Breiðablik er hins vegar bæði ríkjandi Íslands- og bikarmeistari í þetta skipti. FH tapaði fyrir Breiðabliki í úrslitaleik Mjólkurbikarsins á síðasta tímabili og endaði í 2.sæti Bestu deildarinnar. Það er árangur liðsins í deildinni sem veitir FH þátttökurétt í Meistarakeppninni þetta árið.
