Jarðskjálfti af stærðinni sjö komma fjórir reið yfir undan austurströnd Indónesíu laust fyrir klukkan sjö að morgni að staðartíma. Flóðbylgjuviðvörun hefur verið gefin út fyrir Indónesíu og fleiri eyríki.EPA / MADE NAGIJarðfræðistofnun Bandaríkjanna gaf út viðvörun um að allt að eins metra háar öldur geti skollið á svæði í þúsund kílómetra radíus frá skjálftamiðjunni. Hún nær því til Indónesíu, Malasíu og Filippseyja. Flóðbylgjuviðvaranir hafa einnig verið gefnar út fyrir Japan, Taívan og Papúa Nýju Gíneu. Fréttaritari AFP í Norður-Sulawesi héraði kveðst hafa vaknað við skjálftann líkt og aðrir íbúar sem þustu út úr húsum sínum. Hann segir ekki miklar sjáanlegar skemmdir í byggingum þótt skjálftinn hafi varað lengi.
