Högna Kristín Gísladóttir situr við hlið annarra unglinga í Myndlistaskólanum í Reykjavík og sker þráðbeinar línur í sléttan ferhyrndan leirklump. Hún er með grip í smíðum sem sameinar áhugamálin skák og leirlist: Taflborð.Frá blautu barnsbeini hefur hún átt sér mörg áhugamál: Hún var í fótbolta um tíma, á skíðum, í ballett og í sundi. Hún spilar á píanó og rennir sér á hjólabretti þegar veðrið er gott.Í öllum þessum áhugamálum hafði hún snertifleti við alls kyns kennara og félaga. Heima fyrir á hún foreldra og fjórar systur. Engum úr þessu nánasta umhverfi datt í hug að Högna væri neitt öðruvísi en önnur börn. Hún var vissulega dugleg að dunda sér og tungumálanám gat verið henni krefjandi, en ekkert sem gat talist óeðlilegt.Síðan heyrnarskimanir í upphafi grunnskólagöngu voru lagðar af 20
