Hiti verður um eða yfir frostmarki víðast hvar á landinu í dag. Grunn lægð er á Grænlandssundi sem veldur því að suðvestanátt verður á landinu í dag, frá fimm að þrettán metrum að sekúndu. Víðast má búast við dálitlum skúrum eða éljum en austanlands verður yfirleitt þurrt og bjart.Veðurhorfur á landinu til miðnættis annað kvöld:Suðvestan og vestan 5-13 m/s og dálitlar skúrir eða él, en að mestu bjart og þurrt austanlands. Snýst í austan- og suðaustanátt seint í kvöld með snjókomu eða slyddu.Vestan 8-13 m/s, en 13-18 austanlands. Él, en snjókoma norðaustantil fram eftir degi, en léttir til þar annað kvöld. Hiti um eða yfir frostmarki að deginum.
