Í rúma tvo áratugi lá uppruni Helenu Óskar Padmavati Hilmarsdóttur að mestu í skjölum, ljósmyndum og frásögnum annarra. Hún var ættleidd til Íslands frá Indlandi árið 2001 og ólst upp á Akureyri. Með árunum jókst áhugi hennar á uppruna sínum og á seinasta ári fór hún í fyrsta sinn til Indlands ásamt fjölskyldu sinni, þar sem þau heimsóttu meðal annars barnaheimilið þar sem Helena dvaldi fyrstu mánuði ævi sinnar. Ferðin átti eftir að hafa djúpstæð áhrif á Helenu.
