Framkvæmdastjóri Samtaka fyrirtækja í fjármálaþjónustu segir boðaðar viðbótarskatttekjur frá fyrirtækjum í fjármálageiranum koma verulega á óvart. Algjör óvissa ríki um það um hvers konar viðbótarskatta verður að ræða og þegar hafi verið óskað eftir fundi með fjármálaráðherra. Íslensk fjármálafyrirtæki greiði nú þegar flesta og hæstu skatta allra banka í þeim löndum sem Ísland ber sig saman við.
