Nýtt lag breska tónlistarmannsins Paul McCartney leit dagsins ljós í dag og tilkynnti hann um útgáfu fyrstu breiðskífunnar um fimm ára skeið. Bítillinn fyrrverandi er einhver farsælasti tónlistarmaður sögunnar og segist aldrei hafa litið jafnt djúpt í eigin barm og á plötunni The Boys Of Dungeon Lane, sem kemur út 29. maí. Dungeon Lane er skammt frá æskuheimili McCartneys í fæðingarborginni Liverpool. Hann ætlar að bjóða hlustendum í tímaferðalag til Liverpool fortíðarinnar og rifja upp ævintýri þeirra Johns Lennon og Georges Harrison áður en þeir ungir menn hlutu heimsfrægð snemma á sjöunda áratugnum. Fyrsta lagið heitir Days We Left Behind og er þrungið endurminningum sem McCartney segir í raun vera grunn allrar textasmíðar. „Það eru svo margar minningar frá Liverpool. Við áttum ekki mik
