Róbert Guðfinnsson, stofnandi og stjórnarformaður nýsköpunarfyrirtækisins Genís á Siglufirði, segir framtíð fyrirtækisins ráðast á næstu vikum. Íslenskir fjárfestar séu of áhættufælnir og hugsi til of skamms tíma sem geri fyrirtækjum á borð við hans erfitt fyrir. Íslendingar hafi ítrekað selt vænleg og verðmæt nýsköpunarfyrirtæki úr landi og nú leiti Genís á náðir erlendra fjárfesta.
