„Boðskapurinn þarna uppi, honum er beint til kynbræðra minna í heiminum. Reynum að vera til friðs og veljum okkur hlutverk sem bitnar ekki alltaf á einhverjum öðrum, sem er mikið gert í dag, að vaða yfir allt og alla og koma heilu þjóðunum og heimsálfunum í tóm vandræði. Ég ætla ekkert að þræta fyrir það að það séu ekki til glataðar konur og ömurlegar og illa innrættar, en þetta er svolítið karldýrið.“Þetta segir Finnur Arnar Arnarson myndlistarmaður um inntak veggmálverks sem hann málaði í hvelfingu Ásmundarsafns á meðan hann bjó þar í tjaldi um nærri tveggja mánaða skeið.„Þetta tengist kynhvötinni, þetta tengist sjálfsmynd karlmannsins og ég held að hún sé á skrítnum stað í dag. Ungir drengir eru að leita að einhverju hlutverki og maður heyrir þá tala um að þeir vilji fá karlmennskuna af
