Marta Kos, stækkunarstjóri Evrópusambandsins, kveðst reiðubúin að flýta fyrir samningaviðræðum um helstu forgangsmál Íslands, ákveði Íslendingar í þjóðaratkvæðagreiðslu að hefja aðildarviðræður að nýju. Færsla Kos á X hefst á orðunum „Þann 29. ágúst greiða Íslendingar atkvæði um hvort halda eigi áfram aðildarviðræðum við ESB“. Kos, sem er margreyndur slóvenskur diplómati, kvaðst í færslunni einnig hafa rætt sérstök málefni Íslands við Þorgerði Katrínu Gunnarsdóttur utanríkisráðherra á fundi þeirra í Brussel í gær. Þar undirrituðu þær Þorgerður og Kaja Kallas, utanríkismálastjóri Evrópusambandsins, samstarfsyfirlýsingu um öryggis- og varnarmál. Ísland er níunda ríkið sem undirritar yfirlýsingu um samstarf í þeim efnum við Evrópusambandið. Hún felur hvorki í sér skuldbindingar fyrir landið n
