Oddvita Miðflokksins í Múlaþingi verður ekki boðið efsta sætið á listanum áfram. Hann segist burtrekinn og tengir það við trúartal sitt á bæjarstjórnarfundum og í opinberri umræðu. „HEILAGUR ANDI SEGIR MÉR AÐ SEGJA ÞAГ Þröstur Jónsson hefur verið oddviti Miðflokksins í Múlaþingi í sex ár og vakið athygli fyrir óvenjulegan málflutning. Hann hefur stundum talað af trúarhita, tekið Biblíuna með sér á sveitarstjórnarfundi og lesið úr henni af innlifun eða farið með bragðmiklar klausur eftir minni. Hann hefur gjarnan tengt saman kristin fræði og sveitarstjórnarpólitík.Grípum niður í umræðu á fundi fjölskylduráðs um fræðslusamning við Samtökin '78. Þröstur er mótfallinn samningunum og telur samtökin stunda hinsegin innrætingu.„Ég man ekki hvort það er í orðskviðunum eða sálmunum eitthvað á þ
