„Við Sjálfstæðismenn höfum verið mjög gagnrýnir á útfærslu borgarinnar á borgarlínu um Suðurlandsbraut og lögðum til í desember sl. að sérakreinum fyrir almenningssamgöngur yrði komið fyrir norðan við brautina þannig að akreinar fyrir almenna umferð eða bílastæði yrðu ekki skertar. Þeirri tillögu var hafnað af vinstri meirihlutanum,“ segir Hildur Björnsdóttir, oddviti Sjálfstæðisflokksins í borginni, í samtali við Morgunblaðið.
