Kolbeinn Rastrick skrifar:Kvikmyndasaga Írans hefst árið 1900 þegar þáverandi konungur Persíu, Mozaffar ad-Din Shah Qajar, lét hirðljósmyndara sinn, Mirza Ebrahim Khan Akkas Bashi, kaupa Gaumont-kvikmyndavél og kvikmynda ferð sína til Evrópu. Fyrsta kvikmyndahúsið var svo opnað í Íran árið 1904 í Teheran, tveimur árum áður en fyrsta bíóið hér á landi, Gamla bíó, var opnað. Þótt margir opinberir viðburðir hafi verið kvikmyndaðir og eitthvað framleitt af stuttum fréttakvikmyndum, tók kvikmyndagerð sem slík ekki við sér fyrr en í upphafi fjórða áratugarins. Fyrsta íranska kvikmyndin í fullri lengd var frumsýnd árið 1930. Það var gamanmyndin Abi og Rabi (آبی و رابی, e. Abi and Rabi) sem fjallar um ævintýri hávaxna mannsins Abi og lágvaxna mannsins Rabi. Leikstjórinn Ovanes Ohanian, sem hafði s
