Björgunarsveitir á Suðurlandi aðstoðuðu skíðagöngufólk á Hofsjökli niður af jöklinum síðdegis. Aðstoðarbeiðni barst í morgun frá þremur erlendum skíðagöngumönnum sem voru orðnir kaldir og blautir.Björgunarmenn á tveimur vélsleðum komust að fólkinu rétt fyrir klukkan 13 og var þá einn göngumaður fluttur niður af jökli. Hinir tveir biðu áfram á jöklinum.Sleðarnir héldu svo til baka og sóttu þá tvo sem eftir voru. Fólkið er komið í skjól og unnið er að því að koma búnaði þess niður af jöklinum.Í tilkynningu frá Landsbjörg segir að aðstæður hafi verið afar slæmar, færi erfitt og skyggni lélegt.LandsbjörgLandsbjörg
