Flokkahópur íhaldsmanna og endurbótasinna á Evrópuþinginu (European Conservatives and Reformists) myndi fagna aðild Íslands að Evrópusambandinu.Þetta segir pólski þingmaðurinn Adam Bielan, sem leiðir stefnumótun ECR á sviði utanríkismála og er í forsvari fyrir hópinn í þessum málaflokki. Í svari við fyrirspurn fréttastofu RÚV segir Bielan:„Ísland er náið samstarfsríki Evrópusambandsins. Ef Íslendingar ákveða að feta sig í áttina að aðild [að Evrópusambandinu], yrði því tekið fagnandi, því nánara samstarf í efnahags- og öryggismálum myndi ljóslega henta báðum aðilum,“ segir Bielan.Hann segir ennfremur að aðildarviðræður gætu hafist fljótlega, fari þjóðaratkvæðagreiðslan á þann veg að tillaga um viðræður yrði samþykkt. „Líta verður á þjóðaratkvæðagreiðsluna sem lýðræðislegan byrjunarreit,“ s
