Veðurstofan hefur gefið út gular viðvaranir vegna hvassviðris og hríðar víða um landið. Lægð liggur 200 kílómetrum vestur af Bjargtöngum og færist hægt og bítandi til norðvesturs.Viðvaranir eru í gildi fyrir Suðurland, Breiðafjörð, Vestfirði, Strandir og Norðurland Vestra, Norðurland eystra og Miðhálendið. Þær síðustu falla úr gildi klukkan 16:00 í dag.Búast má við sunnan og suðvestan 15 til 25 metrum á sekúndu, hvassast við fjöll á norðan- og vestanverðu landinu með hviðum upp í 35 metra á sekúndu. Einnig má eiga von á éljagangi á þessum slóðum og segir Veðurstofan frekar varasamt að vera á ferð.Á fjallvegum verður skafrenningur með lélegu skyggni og versnandi akstursskilyrðum.Dregur úr vindi á morgun. Þá gerir veðurspáin ráð fyrir suðlægri átt, 8 til 15 metrum á sekúndu, og éljum eða sly
