Sambandsslit í byrjun árs 2023 urðu vendipunktur í lífi Láru Borgar Lárusdóttur. Hún ákvað að hætta að bíða eftir „réttum“ tíma og hélt ein af stað út í heim. Á meðan á ferðinni stóð sagði hún upp starfi sínu og ákvað að líta á óvissuna sem tækifæri. Balí varð fyrsta af þremur stórum „sóló“ ferðalögum sem síðar leiddu hana um Suður-Ameríku og Asíu. Í dag deilir hún reynslu sinni reglulega á samfélagsmiðlum þar sem hún veitir innsýn í bæði frelsið og áskoranirnar sem fylgja því að ferðast ein.
