Sjávarútvegsfyrirtækin Brim og Iceland Seafood nutu bæði meiri hagnaðar á liðnu ári en árið á undan. Þau gáfu út ársuppgjör í dag.Rekstrartekjur Brims í fyrra voru 59,3 milljarðar króna, sem er rúmlega 5% meira en árið 2024. Rekstrartekjur Iceland Seafood voru 70,1 milljarður króna, 9% meira en árið á undan. VEIÐIGJALDAÓLGA HAFÐI LÍTIL ÁHRIF Á BRIM Brim hagnaðist um 8,7 milljarða króna og segir Guðmundur Kristjánsson, forstjóri fyrirtækisins, í tilkynningu að rekstur hafi gengið vel. Ólga sem hverfðist um veiðigjöldin og önnur mál er varða sjávarútveg á vettvangi stjórnmálanna hafi haft lítil áhrif á rekstur Brims.Iceland Seafood hagnaðist um 1,1 milljarð, samanborið við 402 milljónir árið 2024. Ægir Páll Friðbertsson, forstjóri Iceland Seafood, segir 2025 hafa verið öflugt rekstrarár.
