Þýsku leyniþjónustunni er ekki heimilt að skilgreina hægri flokkinn Alternativ für Deutschland (AfD) sem hægri sinnuð öfgasamtök að sinni. Héraðsdómstóll í Köln felldi þennan úrskurð í dag.Leyniþjónustan setti þessa skilgreiningu á flokkinn vegna athafna sem hún taldi ógna lýðræði í landinu. Skilgreiningin veitir leyniþjónustunni víðtækari heimildir til eftirlits og væri vatn á myllu andstæðinga sem berjast fyrir því að starfsemi flokksins sé bönnuð. VISS ÓGN EN BRJÓTA EKKI GEGN STJÓRNARSKRÁ Dómstóllinn féllst á að innan flokksins væri ýmislegt í gangi sem gæti talist ógn við lýðræði. Nefndi hann sem dæmi ýmsar kröfur, meðal annars að banna múslimum að biðja opinberlega og bera höfuðslæður í opinberum stofnunum, sem og að banna byggingu múslimskra bænaturna. Hins vegar hefði flokkurinn
