Yfirvöld í Kúbu munu verja landið gegn öllum mögulegum árásum. Þetta sagði Miguel Diaz-Canel forseti Kúbu. Þar var hann að bregðast við því þegar fjórir menn voru skotnir til bana og sex særðir eftir að strandgæslan stöðvaði þá við Kúbu. Þeir voru á hraðbát sem er skráður í Flórída.„Kúba mun verja sig með ákveðni og festu gegn öllum árásum hryðjuverkamanna og málaliða gegn sjálfstæði og stöðugleika,“ sagði Diaz-Canel á X. Hann sagði atburðinn tengjast tilraun til að ráðast inn í landið. Yfirvöld hafa staðfest að allir tíu sem voru um borð voru af kúbönskum uppruna en búsettir í Bandaríkjunum. Sá ellefti hefði þar að auki verið handtekinn og viðurkennt að eiga hlut að máli.Marco Rubio utanríkisráðherra Bandaríkjanna segir málið til rannsóknar en að hann ætli ekki að vera með vangaveltur um
