Grindvíkingar sem hafa flutt lögheimili frá sveitarfélaginu en vilja kjósa þar í sveitarstjórnarkosningum geta nú skráð sig til þess á vef Þjóðskrár.Alþingi samþykkti á dögunum bráðabirgðaákvæði í lögum um sveitarstjórnarkosningar þannig að fólk sem átti lögheimili í Grindavík fyrir rýminguna 10. nóvember 2023 hefur val um að kjósa í Grindavík eða í því sveitarfélagi sem það á nú lögheimili. Á vef Þjóðskrár má finnarafræna skráningargátt en auk þess er hægt að senda erindi á stofnunina um annars konar umsóknarferli.Hér má sjá nánari upplýsingar um hverjir geta sótt um og hvernig.Sveitarstjórnarkosningarnar fara fram 16. maí. Frestur til að skila inn umsókn rennur út 1. apríl.
