Makaki-snjóapaunginn Punch fæddist í júlí í dýragarðinum í Ichikawa í Japan. Hann var yfirgefinn af móður sinni og þurftu starfsmenn dýragarðsins að stíga inn í. Þeir brugðu á það ráð að gefa honum apabangsa sem staðgengil fyrir móður hans og til að veita honum stuðning. Snjóapinn tók óvæntu ástfóstri við bangsann, órangúta úr IKEA. Samband þeirra tveggja hefur vakið heimsathygli og flykkjast gestir í dýragarðinn til að sjá þá saman.Starfsmenn dýragarðsins segja að apar sem aldir eru upp af mönnum eigi oft erfitt með að samlagast öðrum öpum og geti sýnt þeim fjandskap. Punch er oft skilinn útundan og verður fyrir aðkasti hinna. Hann hefur þó reynt að leggja sig fram við að nálgast hina apana til að sýna þeim að hann vilji tilheyra hópnum.
