Lágmynd af Bjarnhéðni Jónssyni járnsmið, þeim er járnsmiðjan Héðinn hf. er nefnd eftir, var á dögunum dregin fram úr hirslum þar á bæ og verður á næstunni færð Landsbókasafni Íslands – Háskólabókasafni. Tilefnið er ærið og sagan er löng. „Hér á bæ höldum við í hefðir og sögu. Málmur og menning geta svo sannarlega tengst með ýmsu móti,“ segir Halldór Lárusson, stjórnarformaður Héðins hf.
