Kvikmyndin Trainspotting var fyrst sýnd í kvikmyndahúsum 23. febrúar 1996 og er af mörgum gagnrýnendum talin meðal bestu kvikmynda tíunda áratugar síðustu aldar.Myndin er hröð og hrá og er byggð á samnefndri bók rithöfundarins Irvine Welsh. Hún fjallar um vinahóp í Edinborg í Skotlandi sem er djúpt sokkinn í heróínneyslu. Þetta er þó miklu meira en saga af ógæfusömum vinum að mati Kevin Williamson. Rætt er við hann í fréttaskýringaþættinum Heimskviðum um helgina.Hann ritstýrði menningartímaritinu Rebel Inc sem birti fyrstu kafla Trainspotting. Hann segir að bókin og kvikmyndin hafi verið mikilvæg vopn í menningarstríði verkalýðsins í Skotlandi gegn elítunni í Bretlandi á tíunda áratugnum. Í því stríði hafi verkalýðurinn haft betur.Sagan gerist í hverfinu Leith í Edinborg og sýnir nöturlegt
