„Við teljum að það sé algjörlega nauðsynlegt að setja utan um þetta skýran lagaramma,“ segir Drengur Óla Þorsteinsson, verkefnastjóri hjá Húsnæðis- og mannvirkjastofnun, um fyrirkomulag áfangaheimila. HMS birti í dag úttekt á áfangaheimilum. Í henni kemur fram að engin lög eða reglugerðir ná yfir starfsemi þeirra.„Þó svo að flestir standi sig mjög vel þá er greinilegt að það þarf eftirlit með þessu og skýrari umgjörð og við teljum að það sé kominn tími til þess að fara aðeins að blása í herlúðana hvað það varðar.“ BJARTSÝNN Á AÐ STJÓRNVÖLD BREGÐIST VIÐ Drengur Óla segir ástandið óviðunandi. Ekki sé vitað hve mörg áfangaheimilin á Íslandi eru.„Við höfum í rauninni ekki neina eina tölu um það. Við vitum hins vegar að þegar við erum að sýsla með húsnæðisbætur hjá HMS þá er þetta að jafnaði
