Mikil tiltekt er fram undan á Seyðisfirði þar sem ljótir brotajárnshaugar verða fjarlægðir frá hafnarsvæðinu. Ruslið blasir við þeim sem horfa yfir bæinn af skipsfjöl og haugarnir eru svo miklir að Veðurstofan tekur þá með í reikninginn við mat á hættu vegna snjóflóða. LÝTI ANNARS Á FALLEGUM BÆ Seyðisfjörður þykir fallegur bær með mörgum gömlum norskum timburhúsum, Bláu kirkjunni við lónið og regnbogagötunni svokölluðu. En það sem blasir við farþegum skemmtiferðaskipa og Norrænu þegar lagst er að bryggju er ekki allt til prýði. Í kringum slippinn hafa safnast bílhræ og rusl á stórum einskismannsbletti á milli lóða. Heimamenn hafa grínast með það að utan úr geimnum sjáist Kínamúrinn og ruslið á Seyðisfirði.Mikil tiltekt fór fram á gamla athafnasvæði Stálstjarna eftir eigendaskipti en Múl
