Kvikmyndin Pillion varpar ljósi á flókið valdasamspil undirgefni og drottnunar á sjóðheitan hátt. Sænski hjartaknúsarinn Alexander Skarsgård leikur kynþokkafullan mótorhjólatöffara sem leiðir feiminn kórsöngvara, leikinn af Harry Melling, inn í heim BDSM. Myndin verður frumsýnd í Bíó paradís í samstarfi við Bangsafélagið og BDSM á Íslandi annað kvöld. Sigurður Júlíus Guðmundsson, formaður Bangsafélagsins, Katrín Íris Sigurðardóttir, formaður BDSM á Íslandi og Óli Hjörtur Ólafsson, rekstrarstjóri Bíó Paradís, kíktu til Atla Fannars Bjarkasonar og Guðrúnar Dísar Emilsdóttur í Morgunútvarpinu á Rás 2. „Þetta verður sjóðheitt kvöld ætla ég að lofa mér að fullyrða,“ segir Óli Hjörtur. GETA ÝTT UNDIR NEIKVÆÐAR STAÐALMYNDIR Bangsafélagið og BDSM á Íslandi hafa áður unnið saman og Katrín Íris s
