Kristján Þór Kristjánsson skipar fyrsta sæti á lista Framsóknar og óháðra í Ísafjarðarbæ. Framsóknarmenn samþykktu á félagsfundi í gær að bjóða fram undir merkjum Framsóknar og óháðra. Þar var líka samþykktur framboðslisti fyrir sveitarstjórnarkosningar í vor.Framsóknarflokkurinn fékk tvo bæjarfulltrúa kjörna í bæjarstjórn Ísafjarðarbæjar í síðustu kosningum, Kristján Þór og Elísabetu Samúelsdóttur fjármálastjóra. Þau skipa tvö efstu sætin aftur að þessu sinni.
