Öskudagur er á morgun og því hefur fjöldi barna og foreldra verið í búningaleit. Ástrós Signýjardóttir fréttamaður kíkti í Partýbúðina þar sem er miðnæturopnun í tilefni morgundagsins.Ástrós ræddi við nokkra skemmtilega krakka og foreldra sem þangað voru komnir til að finna rétta búninginn. Krakkarnir ætla meðal annars að vera í líki kóngs, geimveru, engils og söngkonu á morgun. Leah Christina Sindradóttir, sem er 10 ára, segist ætla að vera saggari.Hvað er saggari?„Æj, það er svona strákur sem er alltaf með buxurnar niðri og það sést í nærbuxurnar,“ segir Leah.
