Grunur er um að kveikt hafi verið í sumarhúsi sem brann til kaldra kola við Elliðavatn í gær. Bústaðurinn var mannlaus og engan sakaði í eldsvoðanum. Lögreglan á höfuðborgarsvæðinu hefur brunann til rannsóknar en segir í samtali við fréttastofu að enginn sé að svo stöddu grunaður um íkveikjuna.Slökkviliðið fékk tilkynningu um eldinn um klukkan sjö í gærmorgun og þegar það kom á staðinn var bústaðurinn alelda. Slökkvistarf gekk greiðlega.
