„Breytingarnar á gatnamótum Höfðabakka og Bæjarháls hafa ekki gert annað en að þrengja að umferð, sem hefur ekkert lagast eftir að framkvæmdum lauk heldur hefur ástandið versnað,“ segir Björn Gíslason borgarfulltrúi Sjálfstæðisflokksins, sem mun leggja fram tillögu á borgarstjórnarfundi á þriðjudag um að farið verði í heildstæða endurskoðun á þeim breytingum sem gerðar voru þegar beygjuvasar voru fjarlægðir og svokölluð snjallljósastýring sett upp.
